女中醫解開豐胸4大迷思 (上)
如果減肥係女人口中的終生事業，豐胸可能係女人心中的終生事業。醫師從前都以為胸部大小係命定，自從學醫後開始(秘密地)研究天然豐胸法，曾經見證18歲後胸部仍然能夠升2 cup的真實個案，所以希望解開一些豐胸迷思，從中醫角度讓大家了解胸部的特性，從而選擇合適又健康的豐胸方法！
- 基因決定冇得救？
相信唔少女人都聽過以下故事：A女明明母輩姐妹胸部都唔細，偏偏自己胸部平坦。其實胸部發育除左先天因素，後天都有一定影響，胸部主要由肌肉、脂肪同乳腺組成，佢地同臟腑、經絡都息息相關。
（網絡圖片x 自家製作）
- 脾胃要健康，先有優質原材料
如果脾胃虛弱，消化吸收唔好，胸部就冇足夠氣血去生長，肌肉軟弱令乳房鬆弛下垂。如果有以下症狀：胃口麻麻, 容易胃痛, 胃氣放屁多，肚屙便秘等, 證明你的脾胃功能未在最佳狀態。
- 肝氣要舒暢，先有暢通的乳腺
中醫的「肝」好似一部氣血推動機，肝鬱，氣血就會跟住鬰，壓力情緒就係原因之一。肝氣舒暢，乳腺暢通，氣血先能夠順利帶到胸部，亦會減低患纖維瘤等乳房疾病的機會。
- 腎氣要充足，先有生長發育的動力
腎氣係我地生長發育、推動月經周期甚至生育的動力泉源。唔知大家有冇留意自己胸部會多少隨住月經周期變大縮小呢？腎氣不足，不單止會發育不良，月經不調都會影響到胸部。
2. 發育後就豐胸無望？
青春期理所當然係豐胸的黃金時機，但發育後仲有兩個可以好好利用的機會：月經周期、懷孕生產期。
（網絡圖片x 自家製作）
月經來時氣血流失，直到排卵期開始進入旺盛狀態，而胸部亦隨住氣血的充旺而增大，我地就可以利用呢個原理幫助豐胸。
懷孕亦係另一個胸部再度發育的時期，生完bb有人胸部長大，有人萎縮，關鍵就在於點樣調養，日後文章會詳細講解。
下回預告：女中醫解開豐胸四大迷思（下）之
「減肥豐胸兩難全？」、「不用動手術的豐胸方法」
=====中醫內科，中醫婦科，中醫針灸，體重管理，調理脾胃，美容養生=====
現於仁美專科中醫診所（油麻地）駐診。查詢及預約: 21513277。whatsapp：55457455。