眼睛係我地嘅靈魂之窗，唔少朋友一見到人地有眼袋都會即刻被關心：「你係咪好攰呀？」「嘩，你係咪通左N晚頂？」「你係咪唔開心呀？」係朋友關心都冇咁心Up，最慘係出席重要場合，人地見到個眼袋就心諗：「哩個壞鬼後生。」「佢會唔會唔夠精神做好哩份工呢？」「佢應該年紀有返咁上下。」留個精神疲乏嘅印象畀人，就慘了。
想改善眼袋問題，咁我地先理解眼袋嘅成因，一般眼袋可分為先天性及後天性。
先天性眼袋：
1.眼下肌肉（眼輪匝肌）發達：眼下肌肉若天生較發達，眼袋處會較為緊緻，觸感稍為實淨，隆起的部份就會被人認為係眼袋。
2.眼眶內脂肪厚：人人眼眶內都有一定脂肪層，為眼睛指供保護，減少震動，而先天過度發育，有機會令哩層脂肪過厚，以致眼下方較為膨脹，形成眼袋。
後天性眼袋：
1.年齦增長，眼周彈性組織減少：隨住年齦增長，眼睛四週圍嘅彈性組織會慢慢減少，支撐肌肉作用隨之減少，再加上地心吸心的影響，令眼周肌肉下墜，漸漸出眼袋，所以唔少人都認同眼袋嘅朋友睇起黎比同齡嘅人大十歲（！！！！！），係幾咁冤枉！（彈性組織不足亦都係導致皺紋嘅成因之一，有機會再向大家講解！）
2.用力不當：捽眼、化妝、抹面、按摩等動作都有機會接觸到眼下肌肉，眼周肌肉係又薄又脆弱，若果太大力按壓令彈性組織支撐功能減弱，而導致結構改變，最終都會變成眼袋。
3.短暫原因：喊到豬頭咁、休息唔夠捱夜、臨瞓前飲大量飲料等都可以引致朝早起身眼腫，甚至維持幾日。
以上是局部對眼袋的分析，開始出現眼袋往往不是單一問題，背後原因還是需要理解自己體質，做到度身個體化治療，謂中醫常說的「辦證論治」。從中醫角度黎講眼袋問題主要在於：
1.脾：脾←→肌肉
脾臟的健康大概會於肌肉彈性上表現出來，如果平時經常食生冷野飲凍飲、食無定時嘅話，往往容易傷及脾胃。請多多注意自己有冇以下脾虛表現：面色暗或偏黃、腹脹水腫、易見暈、易身攰冇力、覺得眼皮重、手腳重墜、怕凍、口淡、易肚痾或作嘔等等。
2.腎：腎←→水
腎係幫手處理水液嘅臟腑之一，如果身體過多水液未被排出，多餘水液有機會聚於皮膚薄弱的下瞼，就會出現浮腫。食得太鹹、飲水過多都會引致同樣問題。自己亦要注意有冇腎虛嘅表現：面色偏黑、神精唔夠難集中、水腫多於雙腳出現、腰痠膝痛、耳鳴、腳踭痛、怕凍或手腳凍、性欲減退等。
以上症狀未必全部中晒先會確診，同時症狀可以夾雜出現，若果上述問題都已經出現左一段時間，為左自己，請向你的中醫師諮詢，講述細節。
想減輕眼袋，中醫有唔少方法都可以派上用場：
1.針灸：
主要針灸眼部穴位，與脂肪較多的位置，配合電針作輕微刺激。此方法能刺激眼周氣血循行，幫助彈性組織支撐、通經絡以祛除痰濕。
2.砭石及刮痧：
以暖和的砭石溫敷在眼袋處，並用推按手法。此法有助溫暖眼周經絡、帶動氣血，以手法進行個人治療，補虛瀉實，幫助祛除水濕、溫通經絡，從而改善眼下脂肪分佈。
3.穴位按摩及暖敷：
係屋企自行按摩穴位，例如四白穴、承泣穴、睛明穴、三陰交穴、太溪穴等。記得眼部皮膚較弱，要輕柔點按！其餘穴位可以按壓到有少少酸嘅感覺便可，切忌過份用力！
4.中藥治療：
主要處理臟腑功能失調導致嘅眼袋問題，回復健康。
一般用針灸及砭石就已取得良好成效，以上方法各有適應症，請向中醫師作查詢。
治療例子：
畀大家睇睇經仁美團隊治療眼袋療程嘅對比圖，零修圖效果有目共睹，令人感動！！連黑眼圈都有所改善，畀人感覺精神百倍！！
EC Tips：
想避免眼袋形成，最好當然盡早保養，定時作息，唔好捱夜（香港人…盡量啦！），少食生冷，飲食定時，適當運動，配以定時眼部按摩，暖敷雙眼，放鬆眼睛，避免眼睛疲勞，希望大家能做到以上所提及嘅，擁有亮麗雙眸。大火