中醫教你天灸如何改善敏感症狀

中醫如何分析鼻敏感?

鼻敏感即過敏性鼻炎,中醫古籍上命名為鼻鼽(音:求)。

有鼻敏感嘅朋友,大多數體質為偏虛,尤以肺虛、脾虛、腎虛較常見,上述臟腑功能不足,水濕因此聚積,停聚於鼻,引起突發和反覆發作的乞嗤、鼻痕(成日捽鼻)、鼻塞、流鼻水等主要症狀,可以季節性發作或長年發作。

如何舒緩鼻敏感? 醫治鼻鼽,可以貼「天灸」,哩個療法有時間性限制,亦需要根據體質貼藥,每年以歷法計算,於陰曆(當然唔係計陽曆啦)最熱同最凍個三日貼藥,夏天嘅叫做「三伏天灸」,冬天叫做「三九天灸」,以辛溫助陽嘅藥物敷貼於穴位上,輕度刺激穴位,使局部皮膚充血,達致溫陽、驅散寒邪嘅作用,增強現代醫學所說的「免疫力」,以減少發病機會。

邊啲人啱做?可以舒緩咩症狀? 適合人仕:正氣不足、陽虛、虛寒之人 病症/症狀: 。鼻敏感、哮喘、氣管敏感、慢性支氣管炎、持續反覆咳嗽、經常反覆感冒、慢性咽炎等; 。胃痛胃脹、飲凍野會唔舒服/愈來愈凍、常反覆腹瀉、肚痛、腹部常覺冰冷等; 。月經不調(早來或遲來)、經行不適(經痛、水腫、腹瀉、腰痛、感冒等)、白帶量多等 。頸椎病、肩周炎、腰痛、腰椎間盤突出、風濕痛(轉天氣/濕度高就會痛)、膝骨性關節炎、足跟痛等; 。手腳凍冰冰、怕凍唔吹得風、易攰等;

不適合天灸的人士:陽盛實熱、濕熱之人 。哮喘急性發作期

。發燒

。兩歲以下幼兒

。孕婦

。嚴重心肺功能不足患者

。皮膚易過敏、對中西外用藥過敏、有增生性瘢痕者。

天灸治療做法: 預定時間,係指定日子,先經過醫師診症,睇下當日適唔適合貼天灸,按體質而定敷貼舒緩主訴嘅穴位,一般敷貼1-3小時,就可以搣。 貼藥嘅位置有溫熱嘅感覺,如果發熱或痕到不能忍受,可以較預定時間早一啲除去藥貼,摵左之後,至少隔2個鐘先好沖涼啊!

注意事項: 敷貼天灸期間,必須注意戒口:辛辣,煎炸,發物,如牛、羊、鴨、鵝,海鮮,生冷食物,油膩食物。 最好穿著鬆身衫及深色衫,以便貼藥及以防弄污。

靠天灸亦靠自己: 天灸療法可以幫助緩解症狀,有天灸的「加持」,配合自己努力,小心注意飲食、良好生活習慣加上適當運動,鼻敏感的朋友避免水濕積聚於肺、脾、腎,便能減少鼻敏感嘅發生頻率,遠離晨早流流乞嗤鼻塞流鼻水嘅日子!

天灸價錢:$400 /3伏

立即報名!!